Ditën e dielë 13 dhjetor fëmijët që mësojnë mësim besimin me projektin e UAMI-t “Mektepi që na bashkon” u takuan në Piacenza, ku u zhvilluan aktivitete argëtuese dhe sportive. Morën pjesë grupi i fëmijëve nga Trento, Bergamo dhe Milano, të cilët vizituan bashkëmoshatarët e tyre pranë qendrës kulturore islame në Piacenza. Veç lojrave të ndryshme që ishin organizuar dhe drekës së bashku, mësuesit organizuan edhe nje mini quiz me pyetje mbi mësimet e zhvilluara der më tani nga libri i tretë “Ndriçimi i Jetës”. Ishte një fundjavë e këndëshme jo vetëm për fëmijët por dhe për të rinjtë dhe prindërit që i shoqëronin. Në program gjatë vitit shkollor janë edhe vizita të tjera të ndërsjellta në qytete tëndryshme, si Trentino dhe Grosseto.
