U zhvillua në Genova turneu u parë i minifutbollit UAMI më 1 nëntor 2014. Në këtë turne morrën pjesë tetë skuadra nga qytete të ndryshme të Italisë. Qëllimi i këtij turneu në vetvete nuk ishte garimi për të fituar, por ashtu si dhe në aktivitetet e kaluara qëllimi ishte bashkimi dhe forcimi i lidhjeve vëllazërore midis muslimanëve shqiptarë me banim në Itali.
Që në fillim të takimit u vu re një atmosferë e ngrohtë vëllazërore e cila u përforcua dhe nga kushtet e shkëlqyera atmosferike.
Pasi u prezantuan pjesmarrësit u hodh dhe shorti i ndeshjeve duke i ndarë skuadrat në dy grupe. Takimi filloi me ndeshjet e para të cilat u karakterizuan nga një ritëm i mirë i lojës. Gjatë gjithë takimit u vu re një frymë e mirë miqësie dhe vëllazërie midis pjesmarrësve edhe pse një pjesë e mirë e tyre nuk njifeshin më parë me njëri–tjetrin.
Nga ndeshjet në grup dolën në finale dy ekipet e Genovas të cilat ishin përkatësisht Genova A (puntor) dhe Genova B (studentë). Kjo finale përfundoi me fitoren e ekipit Genova A me rezultatin 1-0.
Në fund të turneut iu dorëzua ekipit fitues nga ana e presidentit UAMI dhe kupa të cilën e ngriti kapiteni i ekipit duke iu bashkëngjitur më pas dhe i gjithë ekipi. Në vazhdim për të gjithë pjesmarrësit e turneut u shpërndanë në formë mirënjohje nga një medalje nderi, të cilat u ofruan nga shoqata ASSAL.
Në fund të turneut hoxha i nderuar Enest Berzha mbajti dhe një fjalim të shkurtër për pjesmarrësit, duke iu kujtuar rëndësinë e takimeve të tilla si një mundësi e mirë për të forcuar lidhjet vëllazerore me njëri-tjetrin dhe mbi të gjitha duke përkujtuar mirësinë e madhe që Allahu i Madhëuar na ka dhënë duke na mbajtu të bashkuar. Gjithashtu imami i nderuar nuk la pa u kujtuar pjesmarrësve rëndësinë e adhurimit dhe falenderimit të Allahut xh.sh në cdo vend e në cdo kohë me qëllim ruajtjen dhe përmirësimin e besimit.
Takimin e mbylli presidenti i UAMI-t duke përshëndetur të gjithë pjesmarrësit e duke u uruar të takohemi sërisht në aktivitetet në vazhdim.
Këto janë dhe rezultatet e këtij turneu:
Milano A 2 – 1 Firenze
Genova A 2 – 1 Milano B
Genova A 5 – 2 Milano A
Firenze 1 – 4 Milano B
Milano A 3 – 4 Milano B
Firenze 1 – 5 Genova A
Bergamo 3 -3 Piacenza
Genova B 5 – 1 Imperia
Bergamo 3 -3 Genonova B
Imperia 1 – 3 Piacenza
Bergamo 7 – 0 Imperia
Piacenza 1- 5 Genova B
FINALE
Genova A 1- 0 Genova B
